Description

Euskal Herriko Unibertsitateko Gipuzkoako Campusean, EHUkultura Gipuzkoaren esparruan, ‘Love is in the AID: Mugarik Gabeko Arkitekturaren 30 urte’ erakusketa ikusgai dago, COAM Fundazioaren laguntzarekin. Erakusketa Mugarik Gabeko Arkitektura Afrikan, Latinoamerikan eta Espainian Mugarik Gabeko Arkitekturaren lana ilustratzen duten formatu handiko irudiek osatzen dute. Erakusketa azaroaren 5etik 28ra bitartean dago ikusgai, 08:30etik 20:30era, astelehenetik ostiralera, Ignacio Mª Barriola Zentroan, Donostian. Sarrera librea da.

“1992az geroztik, Mugarik Gabeko Arkitekturak espazio inklusiboak, bidezkoak, seguruak eta iraunkorrak eraikitzen ditu, aldaketak bultzatuz, komunitateei eta pertsonei beren eraldaketa-prozesuetan lagunduz, eta gizarte-justiziako eta eskubideak eraikitzeko gure zeregin nagusian balioak partekatzen ditugun aliantzak ehunduz. Nikaraguako gizarte- eta hezkuntza-hobekuntzen adibideak; irisgarritasunaren sustapena Mozambiken; baliabideen indartzea Haitin; lurrerako eskubidearen defentsa Guatemalan... Mugarik Gabeko Arkitekturak gidatutako partaidetza-prozesuetako batzuk baino ez dira, GKEaren 30. urteurrena dela-eta lehen aldiz bildu diren formatu handiko 45 irudik osatutako bilduma honetan ikusi ahal izango ditugunak. ‘Love is in the AID: Mugarik Gabeko Arkitekturaren 30 urte’ erakusketaren izenburuak arreta jartzen du eskubideen titularrei laguntzean, gure esku-hartzeen prozesu parte-hartzaileetan, eta komunitateen lan kolektibo eta eraldatzailearen indarrean. Eskuz esku lan eginez, beste pertsona batzuen bizi-baldintzak hobetzen laguntzen duten helburu komunak lortzen ditugu ", azpimarratu dute GKEtik.