Deskribapena

San Mames estadioa (24. atea)

Asteartean, otsailaren 18an, 09:30ean, San Mames estadioak Enplegu Jardunaldi eta Enpresen Aurkezpen berri bat hartuko du, non 132 enpresa eta 700 ikasle bilduko diren, baita Ingeniaritzako tituludunak ere, lan-aukera baten bila. Parte hartu duten enpresen kopurua % 24 handitu da 2024ko edizioarekin alderatuta.

Astearte goizean zehar, siderurgia, aholkularitza, mekanika, telekomunikazioak, zibila, energia, elektronika, automobilgintza, espazioa, aeronautika, informatika... bezalako sektoreetan liderrak diren enpresek, klusterrek eta zentro teknologikoek stand bat izango dute futbol estadioan. Bertan, gaur egungo eta etorkizuneko ingeniaritza-ikasleekin harremanetan jarri ahal izango dira, ingeniari gisa ibilbide profesionala hasteko interesa dutenekin.

Hainbat hamarkadatako tradizioa duen ekimen honekin, Bilboko Ingeniaritza Eskolak bere lidergoa sendotu du ikasleen laneratzean, hainbat erakundek berretsita. Hala, Lanbidek UPV/EHUko ikasketak amaitu dituzten ikasleei buruzko azken txostenaren arabera, ingeniaritzako jarduera-tasa % 94 da, % 86 enplegua eta % 9 langabezia. Hori dela eta, Eskolak enpresei luzatu die gonbidapena, antolatzen dituen horrelako jardunaldietan parte hartu dezaten, kontratatzeko profesionalak aurkitzeko dituzten zailtasunen aurrean.

Laneratzeari dagokionez, Eskolak lidergoa du Espainiako Industria Ingeniaritzako campusen artean ere, Everis Fundazioak urteetan zehar nabarmendu duenez, eta erakunde enplegatzaileen beharretara hobekien egokitzen den Eskolatzat hartu du.

Prestakuntza hori eta Bilboko Ingeniaritza Eskolak eskaintzen duen espezializazio handia berresten dute, halaber, Shanghai 2024ko unibertsitateen rankingean eskolak ematen diren azpi arloek betetzen dituzten posizioek. Hala, 201-300 postuen artean dago Zientzia eta Materialen Ingeniaritza, Ingeniaritza Kimikoa, Ingeniaritza Zibila, Zientzia eta Energia Ingeniaritza; eta 301-400 postuen artean Elektrika eta Elektronika.