Taldeak fase anitzeko material polimeriko erdi kristalinoen egitura, morfologia, funtzionaltasuna eta propietateak ikertzen ditu. Fase anitzeko material polimeriko aurreratuen nukleazioa, egitura, morfologia eta kristalizazio zinetika ulertzen saiatzen gara. Material horien artean daude, besteak beste, polimero nahasteak, polimero nahaste nanoegituratuak eta nanokargak, blokeko kopolimeroak, ausazko kopolimeroak, nanokonposatuak eta bionanokonposatuak, polimero ziklikoak edo askotariko topologia molekularrekoak, polimero konfinatuak, nanohibridoak.

Arestian deskribatutako materialen azterketa hainbat teknikaren bidez egiten da: adibidez, ekorketako kalorimetria diferentziala, termograbimetria, kono mikrokalorimetria, argi polarizatuko eta indar atomikoko mikroskopia optikoa. Horrez gain, beste talde batzuekiko elkarlanari esker, ekorketa eta transmisioko mikroskopia elektronikoaren bidez karakterizatu daitezke morfologia eta egitura, baita X izpien bidez ere (SAXS eta WAXS). Halaber, beste talde batzuekin lankidetzan ebaluatzen dira propietate mekanikoak, dielektrikoak eta erreologikoak.

Gaur egun, hazkunde nabarian da taldea, bai azpiegituraren ikuspegitik bai akademikoki. Egiturari dagokionez, instalazio berriak eskuratzeaz gain, ekipo berriak onartu dira 2018rako, eta abiadura ultra handiko DSC bat (Flash DSC) eta potentzia konpentsazioko DSC bat eskuratuko dira. Horiek horrela, enpresarako era askotako proiektuak, lankidetzak, aholkularitzak eta taldekideen lanak egin ahal izango dira. Prestakuntzaren ikuspuntutik, RISE proiektuak elkarlan berriak egiteko ateak irekiko ditu, eta haien bidez esperientzia berriak jaso ahal izango dituzte gure ikasleek.

Reciclaje y Revalorización de botellas de leche en materiales innovadores (REVALPET), Europar Batasuneko Funtsak (EGEF), 2016ko urritik 2019ko azarora.

Crystallization of Polyurethane Polymers, BASF, 2015eko ekainetik 2017ko otsailera.

Ensamblado de Polímeros Biodegradables desde la macro a la nanoescala. Procesabilidad-Estructura/Propiedades-Aplicaciones, MINECO, 2018ko apiriletik 2021eko apirilera.

Research and Innovative Staff Exchange (RISE) H2020-MSCA-RISE-2017-778092, European Commision Research Executive Agency, Marie Skłodowska-Curie Research and Innovation Staff Exchange (RISE), 2018ko urtarriletik 2021eko abendura.

Nano-Materiales Poliméricos con morfologías y funciones definidas mediante templating (extrínsico) y ensamblamiento (íntrinseco), MINECO, 2015eko urtarriletik 2017ko abendura.