Eleaniztasun Ataletik erabaki da B2, C1 eta C2 mailako ingelesezko hainbat ikastaro online ematea 2024-2025 ikasturtean, irakasleen hizkuntza eta ingelesezko trebetasunak unibertsitateko irakaskuntzaren testuinguruan hobetu nahirik.

Jarraian, eskura dauden ikastaroen eskaintza zehazten da. Edukiei eta izena emateko formularioari buruzko informazioa eskuratzeko, dagokion ikastaroaren izena hautatu behar da.

Baldintzak

Lehentasuna izango dute ikastaro bakoitza egiteko eskatzen den ingelera maila duten irakasleek, baldin eta 2024-2025 ikasturtean eman behar badituzte irakasgaiak ingelesez (C1 eta C2 mailako ikastaroetarako) edo EFC irakasgaiak (B2 mailako ikastaroetarako) eta eskainitako ikastaroak lehenago egin ez badituzte. Plaza librerik geratuz gero, ikastaroetan parte hartzeko aukera izango lukete, baita ere, ikasturte honetan ingelesez ematea egokitu ez baina aurrerago ingelesez irakasten interesa duten irakasleek.

Bestalde, kontuan hartzekoa da parte hartzaileak izen emateak iritsi ahala hautatuko direla.

Izena-ematea

Izena emateko, dagokion inprimakia bete beharko da. Esteka ikastaroa hasi baino 3 aste lehenago egongo da eskuragarri, ikastaroaren izena hautatuta.

Ikastaro berrietan izena emateko epea ikastaro hasi baino 10 lanegun lehenago amaituko da. Behin epea amaituta, interesdunek email bat jasoko dute non aditzera emango den ikastaroan onartuak izan diren edo ez.

Ziurtagiria

Ikastaroak amaitutakoan, bertaratze ziurtagiri bat igorriko zaie parte hartu dutenei, baldin eta asistentzia %80koa edo hortik gorakoa izan eta eskatutako eginkizunak egin badira. Bertaratzea betetzen ez duten partehartzaileek lehentasuna galduko dute izena-ematen duten hurrengo ikastaroan plazak banatzerakoan.