6.200 gazte inguruk bisitatu berri dute Euskal Herriko Unibertsitatearen hiru campusetako 26 fakultate eta eskolatan egin diren Ate Irekien Jardunaldietan. Hauek 2025-2026 ikasturtean Euskal Herriko Unibertsitatean ikasketak hasi nahi dituzten ikasleei zuzenduta daude. Jardunaldi horietan, ikasleek Euskal Herriko Unibertsitateko eskola edo fakultatea bisitatu dute, batzuetan senide batekin batera, eta, horrela, haien instalazioak eta baliabideak ezagutu dituzte. Era berean, beren intereseko gradu-ikasketen berri izan dute xehetasunez, eta, horrela, unibertsitate-ikasketei buruzko erabakia hartzeko behar duten orientazio guztia lortu dute.

Asier Blas Ikasleen eta Partaidetzarako errektoreordeak nabarmendu duenez "datuek argi uzten dute Euskal Herriko gazte askoren artean interes handia dagoela gure unibertsitate publikoaren eskaintza ezagutu eta gure ikastegiak bisitatzeko. Azpimarratu behar da eskari horri erantzuteko urtez-urtez UPV/EHUko komunitateko langileek eta ikasleek ezinbesteko inplikazioa erakusten dutela gure biharko ikasle izango direnei beraien ikastegiak eta zerbitzuak erakusten”.

Guztira 204 jardunaldi eskaini  dira (pertsona berak hainbat jarduera egin ditzake), horietatik 5.339 ikasleenak dira eta 855 laguntzaileenak. Inskripzioen %13,07 beste erkidego batzuetako pertsonenak dira. Era berean, EAEko bigarren hezkuntzako 384 ikastetxek parte hartu dute.