Deskribapena

Datorren apirilaren 29an, Leioako campusa merkatu handi bat bihurtuko da, nekazaritzako elikagaien sistemen funtsezko oinarri gisa familia-nekazaritzari balioa eman nahi diona, baina ikuspegi dinamiko eta berritzaile batetik. UNIAzoka azoka agroekologikoak, "Gure boterea, gure planeta" lelopean, bizimodu sozialki bidezkoago baterako kontsumo-alternatibak planteatuko ditu, eta sasoiko produktuak eta produktu ekologikoak erosteaz gain, elikatzen gaituztenekin hitz egiteko aukera eskainiko du. Esperientziaz gozatzera hurbiltzen diren interesatu guztiei erosketetarako poltsa polit bat oparituko zaie.

Ekimen hori Elikadura Justizia eta Hegoa erakundeek sustatu dute, eta Hezkuntza, Lan Harreman eta Gizarte Lan Fakultateen, Zuzenbide eta Zientzia eta Teknologia Fakultateen lankidetzarekin garatu da, bai eta Ikasleen Kontseiluaren parte-hartze aktiboarekin ere. Horrela, UPV/EHUk gizarte-aldaketarekin eta bizi-baliabideen erabilera arduratsuarekin konprometitutako pertsonen eta kolektiboen prestakuntzarekin duen konpromisoa ikusarazi nahi du.

UPV/EHUk urteak daramatza garapen jasangarriko estrategien barruko plan eta proiektuetan lanean. Hona hemen adibide batzuk: "Elikagaiak alferrik galtzea UPV/EHUn", "Neurtzeko eta murrizteko" edo "2019-2025 aldirako ingurumena eta osasuna kudeatzeko plan pilotua".

Aurten, UNIAzokaren programan ikasturte osoan zehar garatu beharreko ekintzak proposatzen dira, elikadura ardatz komun gisa hartuta:

- Nekazaritzako elikagaien azoka.

- Dinamizatzaileak elikaduraren eta egungo egoeraren inguruko kezkei buruz hitz egiteko    (kalitatea, osasuna, ekoizpena, eskubideak, prezioak...)

- GALak eta MALak garatzeko mintegiei edo unibertsitatea benetako gizarte-arazoekin lotzen duten askotariko jarduerei buruzko informazioa ematea.