UPV/EHUko Bilboko Ingeniaritza Eskolako “BBUP” Uraren Gelak 2025. urteko Lehen Jardunaldi Teknikoa antolatu zuen otsailaren 12an Aula Magnan, eta hurrengo hizlari gonbidatuak izan zituen: Pedro Novo jauna eta Ángel Silveiro jauna.

"El abastecimiento urbano en la red, una lenta conquista en Bizkaia- tecnología y sociedad" izeneko jardunaldia Unibertsitate Gela-Enpresaren jardueretako bat da eta 100 pertsona inguru bertaratu ziren. Jardunaldian parte hartu zutenen artean, hauek nabarmendu behar dira: “BBUP” Uraren Gelako ikasleak eta graduatuak, Bilboko Ingeniaritza Eskolako teknikariak, irakasleak eta ikertzaileak, eta BBUP Bilbao Bizkaia Ur Partzuergoko langileak. Halaber, gai hidraulikoekin lotutako ikasgaietako ikasleak ere egon ziren, hala nola Zentral Fluidomekanikakoak, Iturri Berriztagarrietakoak eta Baliabide Hidraulikoen Kudeaketa eta Zentral Hidroelektrikoetakoak.