Europak bere independentzia teknologikoa bermatu eta bere gizarte eredua zaindu behar duen une honetan, funtsezkoa da kalitate handiko unibertsitate sistema izatea, gai izango dena ezagutza berria sortzeko eta, ondorioz, berrikuntza gaitasun handiko profesionalak prestatzeko.

Horrela, bada, unibertsitateak sortu, aitortu eta baimentzeari buruzko Errege Dekretuaren proiektua behin ezagututa, CRUEk, Espainiako unibertsitate publiko eta pribatuek osatutako elkarteak, honako hau adierazi du: 

1. ⁠Kezkatuta dagoela, behin eta berriz adierazi duenez, unibertsitate berriak sortzeko ekimenak gero eta ugariagoak direlako, ez direlako kontuan hartu Espainiako unibertsitate sistemaren benetako beharrak, eta, beraz, desorekarako elementu larriak sartuko direlako.
2. Gaitzetsi egiten duela unibertsitateak baimentzea unibertsitateen kalitatearen agentziak kontrako txostenak egin dituen arren (ez lotesleak), jarrera hori Espainiako unibertsitate sistema osoaren kalitatearen kalterako baita.
3. Uste duela unibertsitate berriak sortzean unibertsitateak berezko dituen xede guztiak garatzen direla bermatu beharra dagoela, ikerketa eta ezagutzaren transferentzia barne, bat etorrita Espainiako unibertsitate sistemaren konpromisoarekin eta erreferentziako nazioarteko panoraman sustatzen ari diren paradigmekin. 
4. ⁠Onartzen dituela unibertsitateen arloko ekimen pribatuak, berriz ere nabarmenduz zeinen garrantzitsua den unibertsitateen kalitatea bermatzea, unibertsitate publikoetan zein pribatuetan, goi mailako eta ikerketako erakundeak baitira. 
5. ⁠Berriz ere, eta bereziki, adierazten duela unibertsitate publikoek finantzaketa egokia eta nahikoa izan behar dutela xede horiek betetze aldera.

Madril, 2025eko apirilaren 3a