África García-Orad Orad UPV/EHUko Medikuntza eta Erizaintza Fakultateko katedradunak zuzendu duen ikertaldeak 40.000 euroko diru laguntza jaso du, Inocente Inocente Fundazioak esleituta. Erakundeak urtero haurren onura dakarten ikerketa proiektuak finantzatzeko esleitzen duen bederatzi laguntzetako bat.
-
Añanako Gatzagako mikroorganismoek lur azpiko ur-fluxuen eskema argitzen laguntzen dute
-
Europa Jauregiak 2025 Empleo Gune hartuko du
-
Legebiltzarreko taldeek konpromisoa adierazi dute 2026ko aurrekontuetan EHU lehentasunezkoa izan dadin
-
Holandako ikasleak Bizkaiko Aretoan
-
EHUko ikasle kontseilua Saharako herriaren aldeko El Wali Mustaga Nazioarteko Eskolan parte hartzen ari da
Inocente Inocente Fundazioak haur minbiziari buruzko UPV/EHUren ikerketa bat saritu du
Proiektua, África García-Orad Medikuntza eta Erizaintza Fakultateko katedradunak zuzendua, hautatuetako bat da, eta 40.000 euro jasoko ditu
- Albisteak
Lehenengo argitaratze data: 2018/10/09
Diruz lagundutako proiektuaren helburua da leuzemia linfoblastiko akutuan inplikatutako azido erribonukleikoko sekuentziak (miRNAk) identifikatzea; izan ere, leuzemia hori da minbizi pediatriko ohikoena.África García-Orad ikertzaile nagusiarekin batera, taldean lan egiten dute Elixabet López López, Borja Santos eta Ángela Gutiérrez, guztiak ere Genetika, Antropologia Fisikoa eta Animalien Fisiologia Saileko kideak.
Urriak 8, astelehena, taldeak Fundación Inocente Inocente(r)en laguntza jaso du, Madrilgo Osasun Ministerioan izandako ekitaldi batean. Jasotako diru laguntza miRNA markatzaileak identifikatzera bideratuko da, haurren leuzemia linfoblastiko akutua diagnostikatu, sailkatu eta iragartzeko. Zehazki, ikertaldearen helburua da haurren leuzemiari lotutako 34 miRNAren diagnostiko, sailkapen eta pronostiko ahalmena egiaztatzea.
