Deskribapena

Datorren asteartean, apirilaren 1ean, prentsaurrekoa egingo da, Minbiziaren Aurkako elkartearen (AECC) eta Euskal Herriko Unibertsitatearen arteko lankidetza-hitzarmen orokorra sinatu dela eta. Esparru-hitzarmen honen helburua gaixotasun onkologikoei buruzko prestakuntza, ikerketa eta zabalkundea bultzatzea da, prebentzioaren eta biziraupenaren esparruan.

Prentsaurrekoan honako hauek hartuko dute parte:

• Gotzone Barandika, transferentzia eta nazioartekotze errektoreordea
• Marisa Arriola Nieto, Minbiziaren Aurkako Gipuzkoako elkarteko presidentea

EHUk eta Minbiziaren Aurkako Elkarteak autonomia erkidego osorako sinatu duten lehen lankidetza hitzarmena da hau. Euskal Herriko Unibertsitatean minbiziari buruzko ikerketa ugari egiten dira, gaixotasunari ikuspegi askotatik heltzen diotenak eta gaixotasunari aurre egiteko estrategiak prestatzeko eta zabaltzeko oinarri gisa balio dutenak.

Ekitaldian, AECCren aldetik, Bizkaiko Elkartearen gerentea eta Arabako eta Gipuzkoako presidenteak eta gerenteak ere izango dira.